चितवन । नारायणी नदी किनारमा बुधबारदेखि सुरु भएको चितवन नारायणी महोत्सवमा आज पनि चार चर्चित कलाकारहरुले प्रस्तुती दिने भएका छन् । महोत्सवमा आज कलाकार दुर्गेश थापा, ढाकाराम पौडेल, कर्ण गिरी र रमेश प्रसाई ‘मेलोडी’को प्रस्तुती रहने आयोजकले जानकारी दिएको छ ।
लागुऔषध विरुद्धको अभियानका लागि रिकभरिङ युनाईटेड प्रालि र औद्योगिक शान्ति नेपालले महोत्सव आयोजना गरेका हुन् । महोत्सवको बुधबार जिल्ला समन्वय समिति चितवनका प्रमुख नारायणप्रसाद अधिकारीले उद्घाटन गरेका हुन् ।
महोत्सवमा २८० वटा स्टलहरु रहेको रिकभरिङ युनाईटेड प्रालिका अध्यक्ष रविन श्रेष्ठले बताए । उनका अनुसार महोत्सव अवलोकनका लागि विद्यार्थीलाई ५० रुपैयाँ र अन्यलाई ७० रुपैयाँको टिकटको व्यवस्था गरिएको छ ।
