काठमाडौँ। भूकम्प पीडितका लागि अस्थायी आवास बनाउन सरकारले एक अर्ब ४१ करोड रुपैयाँ निकासा गरेको छ।
राष्ट्रिय विपद जोखिम न्युनिकरण तथा व्यवस्थापन प्राधिकरणका प्रवक्ता ध्रुवबहादुर खड्काले जाजरकोट र रुकुमपश्चिमका लागि ५०र५० करोड, बझाङका लागि २५ करोड, बाजुराका लागि १४ करोड र सल्यानका लागि २ करोड रकम निकासा गरिएको जानकारी दिए।
विपद् जोखिम न्युनिकरण तथा व्यवस्थापन कार्यकारी समितिको कात्तिक २६ को निर्णयबाट स्वीकृत भएको ‘भूकम्प प्रभावित परिवारलाई अस्थायी आवास निर्माण कार्यविधि २०८०’ अनुसार यसरी रकम निकासा गरिएको हो।
