राप्ती । राप्ती नगरपालिका वडा नं–७, वीरेन्द्रनगरस्थित पूर्व–पश्चिम राजमार्गमा कारको ठक्करबाट गम्भीर घाइते भएका पैदलयात्री वृद्धको उपचारका क्रममा मृत्यु भएको छ ।
यही मङ्सिर १ गते बेलुकी ७ः०५ बजे भण्डाराबाट खैरहनीतर्फ जाँदै गरेको बा ४ च २२५७ नम्बरको कारले पैदलयात्री राप्ती–८, वीरेन्द्रनगर बस्ने ६२ वर्षीय अरुणराज अर्याल गम्भीर घाइते भएका थिए ।
घाइते अर्यालको नयाँ मेडिकल कलेज भरतपुरमा उपचार भइरहेकोमा मङ्सिर १५ गते बिहान ११ः१० बजे मृत्यु भएको हो । कार चालक सम्पर्कमा रहेको प्रहरीले जनाएको छ ।
